英格蘭喺U21歐國盃外圍賽展開衞冕之旅，今晚D組首擊作客哈薩克U21。兩軍實力懸殊，星光熠熠嘅英格蘭U21從來唔錫力，踢外圍賽一樣全力搶入波，哈薩克U21主場亦唔會龜縮，駁火味濃，3.5球入球大值得推介。（周一晚上11時開賽）文:工廠仔
英格蘭近年新星輩出，連續兩屆稱霸U21歐國盃絕非僥倖，陣中主力祖比比寧咸、尼華尼利、比諾傑坦斯及迪比寧等都喺大球會效力，大賽經驗豐富，整體實力喺U21超晒班，而且領隊卡斯利已用冠軍證明自己能力，將帥同樣有保證。加上英格蘭國家隊競爭激烈，新星爭上位就要把握機會，無論對住咩級數對手，都會出盡全力，上屆佢哋喺U21歐國外10場比賽狂轟41球，試過7比0大炒盧森堡同阿塞拜疆，又有9比1「血洗」塞爾維亞，對弱旅絕不留手。
哈薩克U21踢法進取
哈薩克U21實力有限，但主場出擊兼冇包袱，可以大踢進攻足球，上年U21歐國外試過主場3比2贏蘇格蘭U21，作客西班牙U21亦入到3球，主場隨時同英格蘭U21鬥攻，開入球大機會高。
