今晚世盃外歐洲區B組賽事，瑞士主場硬撼斯洛文尼亞。「十字軍」近期火力全開，場場大手交易，斯洛文尼亞求勝心切亦唔會縮，3.5球入球大有計。（周二凌晨2時45分開賽）文:法達斯維
瑞士向來表現穩定，日前喺B組首輪對科索沃，兵不血刃下派夠4蛋，4個入波都係上半場攻入，贏得相當輕鬆。佢哋近期非常攻得，各項賽事近6場獲4勝1和1負之餘，更狂轟18粒，其中5次開4球或以上，前鋒比列安保路頻頻入波弗到震，等閒球隊難以抵擋佢哋進襲。
斯洛文尼亞搶分鬥攻
作客嘅斯洛文尼亞首輪失分而回，只靠末段入波逼和瑞典2比2，查實佢哋近3場獲2勝1和，雖然所贏嘅對手只係波斯尼亞同盧森堡，但場場有波入信心十足，為爭3分照樣同瑞士鬥攻。除箭頭班捷文施斯高成為焦點外，域樸歷及辛迪洛夫歷亦可分擔入波重任，加上瑞士主場一定搶攻，啱晒斯洛文尼亞打快速反擊，大盤咪錯過。
