今晚世界盃歐洲區外圍賽A組上演首輪焦點戰，由德國作客硬撼斯洛伐克。德國經歷早前歐國聯爭冠失敗後，力爭盡快搶到下年世盃入場券，遇上斯洛伐克必定先發制人，而且每次碰頭例初段多波入，1.5球半場大捧得過。
（周五凌晨2時45分開賽）文:法達斯維
由於上年歐國盃喺主場8強止步，德國主帥拿高斯文曾誓言要喺6月主場舉行嘅歐國聯力爭冠軍，點知4強已不敵葡萄牙，之後季軍戰再輸畀法國，令「拿高Sir」冇晒飛士，同時佢亦認清德國實力與列強仍有差距嘅事實，更加要藉世盃外提升球隊，當然首要條件係出線。
賽前拿高Sir表示，希望球隊於比賽展示出霸氣，令對手冇機可乘，預期佢哋一開波就會立即搶攻，入多幾粒盡快鎖定勝局。雖然德國今次缺少養傷嘅穆斯亞拿同夏維斯，但中前場仍有域斯、禾達美迪及富克洛等英超兵助陣，而隊長甘美治亦確認會從右閘移回中場領軍，攻力有保證。
對斯洛伐克例多士哥
另邊廂，斯洛伐克自從咸錫一代退役後，明顯無以為繼，而門將杜巴夫卡、後衞史堅尼亞等豪門棄將，已經係現時陣中最具卡士球員，難怪各項賽事近4場未贏過。翻查紀錄，兩軍近5次交手，半場全開2球或以上，可見大家初段都踢得開放，以德國先發制人嘅策略，隨時半場已經大手交易，捧1.5球半場大早啲收錢。
