亞冠精英盃，研究一場中日對決，FC上海主場迎戰町田澤維亞，上海現時排第11位，最後兩輪必須搶分先有晉級可能，不過客軍町田澤維亞實力強勁，稍有不慎搶分不成隨時輸埋，相信今場先會做好防守企穩陣腳，再搵機會入波。考慮到FC上海近5場亞冠盃4次開2球或以下，戰況緊湊下預計入球唔會多，捧2.5球入球細。（HOY TV 76台周二晚8時15分直播）文:邪神
FC上海今屆6戰僅得1勝，上季中超又屈居亞軍，今季大事增兵捲土重來，包括簽入上季日職銀靴得主、巴西前鋒拉菲爾拉達奧，配合吳曦、李可等國腳級戰將，實力有所提升。不過基於歷史原因，該隊中超未開季就畀中國足協罰扣10分，嚴重打擊士氣，對住日職勁旅莫講話贏波，稍有疏忽隨時大敗。
客軍有本錢歎慢板
日本球季已展開，町田澤維亞開季首仗即以3比2擊敗橫濱水手，前鋒艾歷利馬梅開二度，相馬勇紀亦攻入1球。不過，町田澤維亞現時喺亞冠精英盃高踞A組次席，出線只係時間問題，今場唔需要急於搶攻，可以看準出擊，畢竟作客小勝或和局都可接受，2.5球入球細係最佳之選。
