沙職戲碼，卡赫利主場迎戰達馬克FC。卡赫利雖然排名較高，但近期愈踢愈沉，相反達馬克FC硬淨唔易輸，今仗有力全身而退，仲有得受讓咁筍，讓球客勝（+1）咪錯過。
（on.cc東網周五晚9時10分直播）文:法達斯維
卡赫利近5仗未贏過
卡赫利自從上年11月尾起就未贏過，各項正式賽事近5仗只得1和4負，輸畀勁旅希拉爾同艾納斯都算喇，上仗對住包尾大幡艾拿積馬竟然贏唔到，最終打和2比2，又確係離譜咗少少，就算前曼聯青訓產品祖舒亞京治頻頻入波，開咧至今聯賽已有11球進帳，單計近5次有上陣聯賽亦入咗4粒，可惜佢喺前面入埋都唔夠後面輸。
另邊廂，徘徊下游嘅達馬克FC，雖然今季聯賽贏得1場咁大把，比卡赫利少6分，但其實踢咗12輪有一半打和，係聯賽和波王。呢班波近況亦唔差，單計近7仗聯賽取得1勝5和僅1負，唯一敗仗係上仗輸畀勁旅希拉爾，若計近4仗作客更加未輸過，亦反映出佢哋非常硬淨，今仗造訪陷於低潮嘅卡赫利，絕對係為護級搶分好時機，讓球客勝（+1）有計。
