沙特職直播，艾科魯特主場迎戰伊蒂哈德，論整體實力及星味，艾科魯特的確比較弱，但佢哋剛於上仗大勝艾費哈5比0，有助提升信心，隨時可以再帶來驚喜。擁有賓施馬等球星助陣嘅伊蒂哈德近5場作客，有4次總入球開4球或以上，不妨再博中位數3.5球嘅入球大。
（on.cc東網周六凌晨1時30分直播）文:Mic少
主隊艾科魯特早前一度連輸6場聯賽，幸好上場大炒艾費哈5蛋，總算及時止血，前鋒拉美路安歷基又入波，呢位阿根廷外援今季各項賽事14次披甲有10球進帳，並且入波分布喺10場比賽，水準夠晒穩定，預料可以對伊蒂哈德防線構成重大威脅。
艾科魯特主場頻失波
不過，艾科魯特後防脆弱，近5次主場出擊，每次最少失2球，包括早前以1比3不敵另一支星級球隊希拉爾，恐怕今仗亦招架唔住伊蒂哈德強攻。
伊蒂哈德上年10月聘請前AC米蘭教練沙治奧干斯卡奧領軍後，已逐漸重拾傳統勁旅霸氣，沙特職、國王盃及亞冠精英盃3線作戰，亦綽綽有餘，並頻頻奏捷，射手賓施馬今季16次上陣入12球，效率非常高。荷蘭國腳貝雲積演出亦搶鏡，近3場聯賽入2球及1次助攻，加上法賓奴泰華利斯、尼高路簡迪支援，伊蒂哈德入波唔成問題，贏面甚大。不過，考慮到客W太熱乏味，伊蒂哈德作客入得又失得，最好揀大盤。
