今晚英超午夜場「倫敦打吡」，富咸主場對水晶宮。富咸上輪惡鬥曼城輸4比5，睇落好接近，其實佢哋一早已經大幅落後，可見防守力麻麻；水晶宮踢法搶韁，近8場不論勝負，有7次先入波，水晶宮第一隊入球放心捧。（Now 621周一凌晨零時30分直播）文:邪神
富咸踢完硬仗難回氣
富咸現時以17分排中下游，近況亦反覆，早前試過聯賽4連敗，近期表現稍有好轉，近5場聯賽3勝2負，上場對曼城一度大幅落後1比5，後來因「藍月亮」放軟手腳，先畀佢哋連追3球，踢咗場咁激烈嘅硬仗，球員回唔回得切氣實在難講。
相比之下水晶宮今季成績好得多，一直佔據前列，雖然上月尾連續喺歐協聯同聯賽輸畀斯特拉斯堡同曼聯，不過呢兩場佢哋都可以先入波，上場聯賽亦迅速修正作客擊敗般尼，桑馬迪達今季交出9入球及2助攻，同時丹尼爾蒙路斯同耶利米賓奴都有數胡能力，今場先拔頭籌好正路。
