英超新球季正式開波，今晚有重磅對決，曼聯喺奧脫福球場迎戰死敵阿仙奴，兩支宿敵一開季就碰頭，火藥味十足！文:謝德謙
「紅魔鬼」上季淪落到第15位，係51年嚟最差戰績。新帥魯賓艾摩廉今夏終於可以大執，先後簽入射手班捷文施斯高、馬菲奧斯根夏同麥比奧莫，明顯想加強火力。不過今夏被借去巴塞嘅拉舒福特早前直言曼聯欠缺穩定戰術方向。
兩軍檢驗新援第一關
至於阿仙奴繼續大灑金錢衝擊英超冠軍，先後簽入射手約基利斯、中場蘇比文迪同基斯甸洛加特、後衞基斯甸摩斯基拿、翼鋒馬度基，以及門將阿列沙巴拿加，陣容深度大增。「兵工廠」連續3季屈居英超亞軍，今季目標就係直指冠軍。
今仗唔單止係搶分戰，更係檢驗新援嘅第一關。雙方都想開個好頭，一定搏盡。
