世盃亞洲區8個直接出線席位當中，最後兩個名額會喺今晚第4圈外圍賽尾輪誕生，卡塔爾對阿聯酋同沙特阿拉伯對伊拉克兩場生死戰，將主宰4隊命運。
先講A組卡塔爾對阿聯酋，卡塔爾首戰只能同阿曼互交白卷，相反阿聯酋以2比1反勝阿曼居首位，卡塔爾1分排次席，今仗必定要全取3分，先可以取得世盃決賽周資格，加上主場球迷打氣之下，鬥心不容懷疑。卡塔爾踢法進取，近12場世盃外10次開3球或以上，阿聯酋亦係擅攻之輩，加上雙方近8次交手，6次開3球或以上，今場為出線肯定互攻，2.5球入球大必捧。（港台32周三凌晨1時直播）文:渡邊年
沙特和就掂形細有利
至於B組沙特阿拉伯主場迎戰伊拉克，兩隊首場都以1球距離擊敗印尼，不過沙特入3球，伊拉克只入1球，沙特有得球優勢，今場沙特更擁主場之利，只要保持不敗，即能奪得小組首名出線，形勢大好。
沙特喺法國主帥連納特帶領下，往往以防守為先，近9場世盃外有7場總入球開2球或以下，伊拉克想搶得直接出線資格，今場非勝不可，但伊拉克本身攻力非強，近3場世盃外只入過2球，今仗唔敢輕率搶攻，再開2.5球入球細機會極高。（港台32周三凌晨2時45分直播）
