車路士開季嘅「打吡4連環」嚟到最後一站，周日凌晨作客今季被「拆骨」嘅賓福特，大有機會繼續贏波。車路士今季表現穩步上揚，祖奧柏度等新加盟攻擊球員都上晒力，預計新軍磨合後會更加銳利，實力同狀態都遠勝主隊，今場捧客勝好路。
（Now 621周日凌晨3時直播）文:工廠仔
賓福特遭拆骨難靠
車路士近2年大規模換血，成果亦逐漸顯現，自從贏歐協聯同世冠盃冠軍後，球隊上下信心大增，聯賽開季連踢3場「倫敦打吡」2勝1和，包括對上2輪炒韋斯咸5比1同2比0贏富咸。新加盟前鋒祖奧柏度、艾斯迪華奧都有出色表現，火力夠晒保證。
賓福特今個夏天被拆骨，除領隊法蘭克走人，麥比奧莫、尤尼韋沙、基斯甸洛加特等主力都離隊，前景令人擔心。賓福特開咧後3戰2敗，上場輸畀新升班嘅新特蘭，真係好打有限。睇番車路士近4場聯賽作客贏咗3場，今仗乘勝追擊捧客勝！
