巴西盃8強次回合，高士路主場迎戰明尼路，首回合高士路贏2比0，有充裕本錢在手，今仗可以拖慢比賽節奏睇定來踢。至於明尼路遭遇3連敗，兼未能取得入球，攻力非常疲弱，想贏亦有心無力。參考雙方近5次對賽，總入球全開2球或下，一於再追中位數2.5球嘅入球細。
（周五早上6時30分開賽）文:Mic少
高士路今季雙線叫胡，排聯賽第2位，落後踢少1場嘅榜首法林明高3分，巴西盃爭標機會亦樂觀，今仗最緊要力保不敗就能進身4強，冇必要冒險進攻。事實上，高士路能夠獲得優秀成績，好大程度上因為採取穩陣戰術，近7場取得5勝1和1負，其中有3場贏2比0、1場小勝1比0，表現四平八穩，預料即使今場贏波，都係小勝居多，甚至悶和都唔出奇。
明尼路無力兼顧盃賽
至於明尼路僅排巴甲14位，可見實力同高士路有一段距離，尤其是首回合主場都淨吞兩蛋，更加唔好期望作客可以發圍。值得留意，明尼路上場聯賽護級大戰，作客0比1不敵排尾4嘅維多利亞，被對方追至只有2分距離，開始受降班威脅，無力兼顧盃賽，隨時留力踢下場護級戰對山度士，估計難以對高士路防線構成太大威脅。
