英超勁旅阿士東維拉熱身賽之旅第二站，將會去到葡萄牙作客波圖。維拉兩位中前場主力摩根羅渣士、泰利文斯先後離隊，整體實力受削，領隊艾美利需要花更多時間試陣，面對上季葡超冠軍波圖，未必佔到甜頭。波圖同樣剛開操不久，球員狀態成疑，加上近3次對英超球隊，總入球全開2球或以下，寧願博入球細。（周日凌晨3時開賽）文:Mic少
阿士東維拉上場熱身賽以5比0大勝英乙球隊華素爾，由於對手實力太弱，不宜作準，今仗遇上波圖先至係真正考驗。雖然維拉上季英超排第4位，獲得歐聯入場券，但球會近年財政欠佳，日前以天價1.17億鎊出售進攻主將摩根羅渣士畀車路士，之後再以3,500萬鎊將中場泰利文斯賣畀曼聯，雖然有助紓緩財政壓力，但實力難免受削。
即使維拉簽入瑞士20歲天才新星文森比，但佢踢世盃期間受傷，加上需要放假，今場未能披甲。此外，門將達米安馬天尼斯、前鋒奧尼屈堅斯、中堅安斯干沙踢完世盃，獲延長假期，維拉殘陣之下，難有作為。
波圖狀態未弗
至於波圖上場熱身賽以0比1不敵基維辛迪，球員明顯不在狀態，為免受傷影響新一季部署，相信踢熱身賽只會點到即止，唔會搏盡。此外，波圖上屆歐霸盃，3次同英超球隊諾定咸森林交鋒，取得1和2負，無獨有偶3場總入球都全開2球或以下，不妨再追入球細。
