世盃E組尾輪焦點戰，厄瓜多爾火併德國。厄瓜多爾頭2輪未贏過只得1分，為爭出線今仗非勝不可，擺大個頭焗攻，雖然德國提早鎖定首名晉級，但如丹尼斯烏達夫等副選表現更搶韁，加上近7仗全開3球或以上，捧2.5球入球大最上算。
（Now 618及616周五凌晨4時直播）文:法達斯維
厄瓜多爾求出線焗攻
厄瓜多爾雖有摩西斯卡些度、軒卡派爾等助陣，但世盃開打後表現堅唔順，首輪贏盡形勢下頻頻中楣中柱，更畀科特迪瓦絕殺輸0比1。
次輪對住實力最弱嘅新丁庫拉索，全場撳住嚟砌都過唔到對手門神艾萊羅姆，最終互交白卷，兩戰只得1分，無論想博頭2名，抑或最佳第3名出線，今仗必須全取3分，冇退路下一定要豁出去搶攻。
另邊廂，德國頭2輪贏晒，更提早鎖定首名出線，相信主帥拿高斯文今仗會作出大輪換。不過，大家唔好睇小佢哋嗰班副選，單係「超級後備」丹尼斯烏達夫，頭2輪就交出3個入波兼2次助攻，今仗好大機會擔正，其他如利維寧、拿迪安阿美利、奧達奧高等，都想趁機爭取表現，既然勝負無關痛癢，不妨同厄瓜多爾鬥攻，睇番「日耳曼兵團」近7仗全開3球或以上，今仗等睇入球騷。
