一場「死亡F組」賽事，重現霸氣嘅荷蘭對住篤定出局嘅突尼西亞，「橙衣軍團」贏面極高，而且喺朗奴高文領軍下踢法進取，一條全新鋒線產生化學作用，有力摧毀突尼西亞疲弱防線，今場一於追3.5球入球大。
（now 618及616周五早上7時直播）文:工廠仔
突尼西亞防線穿窿求破蛋
荷蘭今屆首仗2度領先下被日本逼和，被批評領先後踢得保守，吸取教訓之後，上場荷蘭踢得更加積極，最後5比1大炒瑞典展現實力，佢哋依家4分在手，今場贏波就肯定出線，信心爆棚會主動出擊。再者，荷蘭鋒線令人眼前一亮，新星波貝比完美演繹柱躉式中鋒，翼鋒森馬維冒起成可靠嘅爆破點，就連喺利物浦表現低迷嘅加普，返到國家隊都判若兩人。荷蘭喺死球又有華基爾雲迪積克做高空轟炸，進攻板斧全面。荷蘭最近4場世盃賽事，總入球開4球或以上。
突尼西亞首場對瑞典大敗1比5後，上場又吞日本4隻蛋，已經宣告提前出局，新領隊連納特上任未能挽回頹勢，防守仍然漏洞多多，經常被對手輕鬆打穿，2輪失9球嘅表現畀唔到人信心，今場哀兵上陣面對荷蘭全方位進攻，只求破蛋已經算有交代，捧3.5球入球大非常穩陣。
