日職百年構想聯賽分組賽告一段落，跟住就係一對一較量，重頭戲當然係榜首對決，西區盟主神戶勝利船首回合先主場迎戰東區「一哥」鹿島鹿角。上季日職冠軍鹿角一直保持強勢，分組賽18場僅輸1次，攻力強勁之餘，防守亦非常嚴密，尤其喺作客環境唔會搶攻住，首選半場和。（無綫myTV SUPER周六下午1時直播）文:邪神
雖然呢項賽事只係過度性質，但客隊鹿角態度非常正面，應贏則贏，攻入29球係今季並列第2，只失9球嘅防守力就屬於頂級，比失球第2少嘅FC東京有7球差距，門將早川友基17場分組賽有10場不失球，已經入選日本世界盃大軍，上場改由副選門將梶川裕嗣把關，鹿角仍然保持清白之身，加上佢哋喜歡謀定後動，近5場4次開半場和，首回合作客守住先非常合理，以佢哋防守力，要達標可謂輕而易舉。
