國際熱身賽，愛爾蘭主場對卡塔爾，兩隊處境大不同，愛爾蘭冇份踢今屆世盃決賽周，今仗純粹「陪太子讀書」，備戰態度成疑。至於卡塔爾為免世盃前出現傷兵，應會留有一手點到即止，參考卡塔爾近5場有4次上半場打和，最好博半場和。
（周五凌晨2時45分開賽）文:Mic少
愛爾蘭志在培育新血
愛爾蘭積弱多年，對上1次出席國際大賽已經係2016年歐國盃，可見即使隊內有唔少球員喺英超搵食，但踢國家隊往往冇料到。加上各位主力剛經歷完緊湊球季，亦唔需要備戰世盃，難免已呈現抖暑心態，唔慌會為「太公波」搏命。
此外，領隊賀基姆臣今次徵召多位未曾為國家隊上陣嘅邊緣國腳，包括3位年僅18歲前鋒阿當賓拿、美臣美利亞、查頓奧文，明顯想趁機試陣，培育新血，唔好期望會有好表現。
另邊廂，西亞球隊卡塔爾經過上屆世盃洗禮後，經驗及實力有所提升，最重要係該國足總願意大灑金錢發展足球，上年5月聘請盧比迪古擔任領隊。呢位59歲西班牙名帥曾經執教波圖、西班牙國家隊、皇家馬德里、西維爾、狼隊、韋斯咸，重遇熟悉嘅歐洲球隊，佢應該胸有成竹。不過，卡塔爾始終重心放喺下個月世盃，踢熱身賽唔會去得太盡，否則一旦有主將受傷，就會因小失大。考慮雙方都唔在乎勝負，尤其係上半場應會互相試探為主，半場和抵玩。
