法國附加賽，首回合聖伊天主場迎戰尼斯。尼斯剛喺法足盃決賽落敗，1比3不敵朗斯屈居亞軍，不過佢哋表現絕不失禮，穩守突擊踢法令人印象深刻，今場護級生死戰預計會先做好防守。聖伊天上圈附加賽同羅德茲激戰踢成0比0，互射12碼險勝晉級，今仗升班戰亦會踢得謹慎，加上尼斯近7場6次開半場和，值得再追。
（周三凌晨2時45分開賽）文:邪神
尼斯欠攻力先做好防務
尼斯之前一直係法甲前列勁旅，上季排第4，近年有分出席歐洲賽，但係今季成績大倒退，淪落到降班邊緣，不過爛船都有三斤釘，佢哋喺法足盃表現神勇殺入決賽，上場同聯賽亞軍朗斯爭冠，結果唔夠打，以1比3敗陣。
睇番尼斯季尾表現，最後6場聯賽只得5和1負，對住朗斯、里爾、馬賽3支勁旅都踢成和局，對住篤定降班嘅梅斯同下游分子勒哈弗爾同樣打和，可見佢哋防守尚算硬淨，可惜攻力太弱入唔到波，其中近5場聯賽全開半場和，今場護級生死戰首回合要作客，先做好防守合情合理，半場和值得跟進。
至於聖伊天，近年做咗甲乙組升降機，踢附加賽可謂經驗豐富，不過佢哋近5次對尼斯全部落敗，今場更要加倍小心，既然尼斯經常半場打和，聖伊天當然會全力配合，半場和可謂高唱入雲。
