聽朝阿甲次循環免費直播戲碼，CA普拉坦斯主場迎戰葛度爾古斯。雖然CA普拉坦斯近況比連敗嘅葛度爾古斯稍好，但要贏亦唔見得好有把握，而且兩軍近年碰頭都踢得唔算保守，一於捧中位數1.5球大盤。（HOY TV 76周二早上6時13分直播）文:法達斯維
如果你問近期阿甲邊隊狀態最差，葛度爾古斯可謂「數一數二」，自從5月頭喺南球盃險勝路昆奴1比0後，各項賽事已經10場未贏過，近5場更加全部輸晒，單計客場亦兩連敗，見到都唔開胃，絕對係長反佳品。佢哋唯一可取之處，係仲識得入波，近6場作客入6粒，只有1場食白果，都算入得又失得。
近年對賽例多交收
相比之下，CA普拉坦斯表現穩定得多，各項賽事近10場只係輸過1場咁大把，不過當中有5場係和波，勝率只有40%，就算佢哋近況好過葛度爾古斯，但亦係可勝不穩格局。CA普拉坦斯喺呢10場入咗10粒，攻力唔太差，睇埋雙方近8次正面交鋒，雖然互有勝負，但有7次開2球或以上，證明大家碰頭時都唔會咁保守，今仗中位數1.5球嘅入球大咪錯過。
