東網今晚免費直播沙特職，艾沙比主場迎戰艾納斯，榜首艾納斯上仗輸波，領先優勢減少，餘下3場聯賽不容再失，勢必全力搶攻，力爭重敲勝鼓，隊內擁有C朗等多位進攻猛將，入波唔成問題。艾沙比已擺脫降班威脅，可以放開懷抱踢悅目足球，參考雙方近6次交鋒有5次總入球開4球或以上，一於再追中位數3.5球嘅入球大。
（on.cc東網周五凌晨2時直播）文:Mic少
艾納斯原本走勢凌厲，一度各項賽事20連勝，包括連贏16場聯賽，直至上場作客1比3不敵艾卡迪沙，先至斷纜。由於第2位希拉爾擊敗卡赫利，艾納斯現時只領先2分，雙方將於下輪聯賽碰頭，艾納斯更加要把握機會喺弱隊艾沙比身上搶分，以鞏固榜首位置，相信作客都會採取主動，盡快入多幾球奠定勝局，以免夜長夢多。
艾沙比冇包袱唔怕對攻
艾納斯巨星C朗上月底對吉達艾阿里，射入職業生涯第970球，遇上防線脆弱嘅艾沙比，正係佢「刷數據」好機會，當然要盡數對手向千球大關邁進。此外，祖奧菲歷斯、京士利高文都有出色入波能力，艾沙比難以招架。
艾沙比已拋離尾三艾利雅德9分，並且踢少對方1場，基本上護級已經「上岸」，球員冇心理包袱，應該會踢得比較放。事實上，艾沙比近2次對艾納斯，都攻入對方2球，分別打和2比2及輸2比3，表現並唔失禮，預料就算今場輸波，都有力破蛋，捧入球大最穩陣。
