今晚英超獨腳戲，新特蘭主場鬥諾定咸森林。季尾波一向戰意行先，「黑貓」上晒岸等收咧，相反森林仲要搶分護級，加上近7仗未輸過，平手盤梗係撐森林。
（Now 621周六凌晨3時直播）文:法達斯維
新特蘭等收咧走晒樣
新特蘭今季重返英超有驚喜表現，尤其主場分外突出，一度係今季英超唯一主場不敗之師，但當佢哋達成護級目標後，開始走樣，近5仗錄2勝3負，就算之前嘅無敵主場，近4次出擊亦3度落敗。老實講「黑貓」目前成績已超額完成，未必好似季初場場咁搏盡。
相反森林今季內部立立亂，先後怒炒紐奴、普斯迪高路同戴治，終捲入降班漩渦，直至2月中搵域陀佩利拉接手，先至穩定落嚟，佢哋各項賽事近7仗獲4勝3和未輸過，單計聯賽，域陀佩利拉除頭兩場輸畀利物浦同白禮頓外，之後5仗取得2勝3和，包括打和曼城1比1，為搶分護級搏晒命，淨係呢份戰意已經值捧。森林依家領先「降班區」尾3嘅熱刺5分，如果今場贏埋接近上岸，平手盤坐走望贏。
