力爭「3冠」嘅阿仙奴喺另一場英足盃8強作客英冠球隊修咸頓，雖然級數上「兵工廠」佔優，不過佢哋喺國際賽期間出現傷兵潮，下周又有歐聯8強後顧，今場相信唔會浪費太多體力，對住狀態勇猛嘅修咸頓唔易食，博2.5球入球細好路。（Now 651周日凌晨3時直播）文:工廠仔
阿仙奴傷兵成籮
阿仙奴喺英聯盃決賽落敗，4冠夢幻滅，不過佢哋更加重視英超同歐聯！下周中歐聯8強作客士砵亭，領隊阿迪達必定保留實力，今場隨時勒住踢。阿仙奴喺國際賽期間，有多達11名球員因傷退隊，其中馬度基、伊比爾治伊斯肯定缺陣，布卡約沙卡、迪格蘭賴斯等亦可能順勢休息兼留力，最後有幾多主力於今場復出成為疑問。
修咸頓雖然只屬英冠球隊，但係佢哋踢法硬淨，而且近況頗佳，對上7場賽事獲得6勝1和，當中4場保持不失球，防守堅挺。考慮到阿仙奴進攻火力唔算強大，近4場總入球全開2球或以下，今場若然半力出擊，隨時領先後就拖慢節奏，博入球細屬明智之選。
