今晚意甲拉素主場對薩斯索羅。雙方近況有天壤之別，拉素連續4場聯賽不勝，加上門將普維迪爾提早收咧，令球隊雪上加霜。反觀薩斯索羅愈戰愈勇，近6場聯賽獲5勝1負，受讓平半必捧下盤。（Now 638周二凌晨3時45分直播）文:Mic少
拉素行衰運態沉兼殘陣
拉素踏入2026年後踢咗10場聯賽，只有2勝4和4負，原本重拾勇態嘅柏度洛迪古斯上月受傷缺陣後，球隊即時啞火，近3場意甲都「食白果」，就算佢今場復出，相信都狀態成疑。禍不單行門將普維迪爾踢完上場意大利盃4強首回合對阿特蘭大之後，肩膀傷勢惡化，證實要開刀，預料要提早收咧，今場焗用21歲小將伊度亞度莫達把關，防線更牙煙。
薩斯索羅自1月底開始脫胎換骨，近6場聯賽只係輸過畀榜首國際米蘭，其餘5場贏晒，翼鋒杜文尼高貝拉迪近況大勇，有力繼續數胡，佢哋首循環主場曾以1比0擊敗拉素，作客亦有望坐和望贏。
