今晚歐協聯附加賽次回合焦點戰，英超球隊水晶宮主場出擊，再鬥波斯尼亞勁旅辛連斯基。首回合各一言和，水晶宮近況同攻力都麻麻，初段未必咬得入客軍，1.5球半場細咪錯過。
（Now 639周五凌晨4時直播）文:法達斯維
以波論波，水晶宮梗係高對手幾班，不過佢哋近排唔多順，踏入2026年踢咗11場波，只贏得2場咁大把，包括日前聯賽險勝包尾大幡狼隊1比0，主帥格拉斯拿早前證實教埋今季就離隊，隊長馬克古希喺冬窗又跳船，就算簽入佐真拿臣及班倫莊臣等新兵，暫時幫助唔大。
此外水晶宮板櫈深度有限，要兼顧多條戰線難免有疲態，早前英足盃就倒灶畀馬爾斯菲FC踢出局，衞冕失敗，聯賽亦跌至中下游，加上本身攻力麻麻，近8仗入得9粒，今場都會守住先，避免初段失波，單計近9場歐協聯，有7次半場開1球或以下，可見佢哋初段非常謹慎。
辛連斯基死守博偷雞
辛連斯基雖然首回合喺主場全面捱打，但下半場入到波扳平，無疑打起咗信心，睇番佢哋近3場歐協聯作客全部食白果，今仗惟有繼續死守博偷雞，初段好氣好力下可望頂得住，半場細捧得過。
