沙特職爭霸3強鼎立，場場當決賽咁踢，其中吉達艾阿里今輪作客弱旅達馬克FC，肯定會力求大勝。吉達艾阿里近期火力全開，英格蘭前鋒艾雲東尼腳風極順，達馬克FC防線抵擋唔住，好大機會被客隊摧毀，博3.5球嘅入球大係明智之選。（周二凌晨3時開賽）
艾雲東尼專恰達馬克
吉達艾阿里同希拉爾、艾納斯鍊住上，近12場聯賽拎到11勝，只係同希拉爾打和，具備衝冠氣勢，而且佢哋近期火力進一步提升，艾雲東尼上場拎到今年第3次「帽子戲法」，馬列斯同加連奴雙翼齊飛威力驚人，吉達近3場賽事入13球，3場總入球都達5球或以上。
達馬克FC身處降班漩渦，主場出擊一定唔會踢得太保守，最近2次主場入咗3球，搶分心態明顯。不過達馬克FC近3次對吉達艾阿里都輸晒，有2場被對手轟入4球，而且自從艾雲東尼登陸沙職後，2次對達馬克FC入咗3球，達馬克FC明顯搞佢唔掂，艾雲東尼可望繼續呼風喚雨。
