今日日職百年構想聯賽有好介紹，千葉市原對川崎前鋒，川崎前鋒首輪5比3激贏柏雷素爾，開出總入球「7+」，球季一開波，大家熟悉嗰隊「識攻唔識守」嘅川崎前鋒返晒嚟，今日作客市原，大細中位數仲有2.5球揀，入球大雖然低水啲但勝在穩陣，可以放心捧場。（周日中午12時開賽）文:邪神
千葉市原未夠班難擋強攻
川崎前鋒上場同上季日職亞軍柏雷素爾合演入球騷，炮製8粒入波夠晒瘋狂，呢場勝仗前鋒艾歷臣連中三元，松長根悠仁同脇坂泰斗都有進帳。其實睇番前鋒上季日職數據，佢哋排名雖然唔高，但總共攻入67球屬日職之冠，失57球亦係並列第3多，絕對入得又失得，加上近3仗正式賽事全開3球或以上，長追入球大就冇錯，今場仲有2.5球畀你揀，入球大必定趁熱食。
千葉市原相隔17年重返日職，本應可喜可賀，但佢哋未完全適應日職節奏，難免要交吓學費。球隊首輪淨吞浦和紅鑽兩蛋，賽果好正路，今場對住攻力更強嘅前鋒，恐怕後防受壓更嚴重，可以預計又係大比數賽事，入球大好快夠數。如果想博好分啲，可以玩埋同場過關「川崎前鋒勝 & 總入球多於[3.5]球」，疊埋心水睇入球騷收錢，提早過個肥年。
