沙特職尾場之一賽事，伊蒂法克將會喺主場迎戰艾塔亞文。伊蒂法克雖然有前利物浦中場韋拿杜姆壓陣，不過佢哋主場成績相當差勁，加上近年對艾塔亞文甚少贏波，為免太早失波一定唔敢冒進，轉捧半場和。（on.cc東網周三凌晨1時30分直播）文:法達斯維
伊蒂法克近況極其飄忽，最大問題係主場戰績唔掂，近8場聯賽主場僅獲2勝，所贏嘅對手只係實力平庸嘅艾科多同艾費哈，今仗仲要讓波，真係見到都唔開胃。
艾塔亞文硬淨頂得住
另邊廂，艾塔亞文近期客場頻頻落敗，之不過呢幾場佢哋嘅對手係艾納斯、吉達艾阿里同伊蒂哈德等勁旅，輸波亦無可厚非。
其實佢哋對住實力次一級球隊甚少輸波，加上兩隊近7次碰頭，艾塔亞文取得4勝2和僅1敗，今場絕對唔會赦「主場不利」嘅伊蒂法克，為咗力爭前3嘅下屆亞冠精英盃入場券，戰意毋須懷疑，必定會令主隊有所忌憚，加上伊蒂法克近3次主場全開半場和，今仗先求穩陣，半和不妨再追。
