英超第24輪焦點戰，熱刺坐鎮主場迎戰爭標熱門曼城。賽事除牽動聯賽爭標形勢外，雙方同受傷兵問題困擾，亦成為英國媒體賽前關注焦點。文:謝德謙
熱刺目前於聯賽排喺中下游，近5輪英超僅錄得2和3負，主場表現同樣未如理想，攻守發揮欠穩。惟球隊於上周中歐聯尾輪以2比0擊敗法蘭克福，順利晉級16強，多少為聯賽注入正面氣氛。不過，傷兵情況依然嚴峻，令主帥法蘭克喺中前場及防線部署上，均受到限制。
攔路虎變病貓
曼城同樣受傷病影響，領隊哥迪奧拿將缺少多名重要戰將，包括後防主力魯賓戴亞斯及史東斯已確認缺陣，快翼謝利美杜古亦因傷上陣成疑。不過，「藍月亮」陣中仍有艾寧夏蘭特助陣，配合菲爾科頓等進攻選擇，曼城整體火力仍具相當威脅。
各大英國媒體普遍認為，「藍月亮」即使傷兵成籮，但憑藉較成熟嘅戰術體系及爭標壓力，作客北倫敦仍然稍佔上風；熱刺若要爭取理想戰果，必須喺中場對抗及快速反擊方面提升效率。過往交鋒中，熱刺不時成為曼城嘅「攔路虎」，惟今仗傷兵問題或令比賽節奏更傾向由客軍主導。
