沙特職前列搶分大戰，艾納斯主場迎戰艾塔亞文。艾納斯終於走出低谷，最近錄得2連勝，肯定趁住個勢主場搶分力追榜首，艾塔亞文曾經12場不敗，可惜踏入2026年表現有啲飄忽，不過球隊攻力唔曳，而且佢哋作客照攻，今場有望一開波就鬥搶，1.5球半場大玩得過。（on.cc東網周二凌晨1時30分直播）文:渡邊年
艾納斯喺聯賽由一路帶住變咗落後希拉爾7分，C朗肯定嬲到震，好彩連贏番2場，而且呢名葡萄牙巨星都有波入，應該會打番順隊波。事實上艾納斯前面有祖奧菲歷斯、京士利高文，唔愁冇波入，不過球隊堅持控球及主攻踢法，有時中後場一甩波，就好易畀人打反擊，但今場主場出擊冇得縮，一定開波就喪攻，佢哋各項賽事近5次主場出搫，4次半場開2球或以上，可見佢哋主場貫徹「急先鋒」踢法。
兩軍同樣好大喜「攻」
艾塔亞文季初表現有驚喜，雖然近仗稍為回落，但實際上亦只係落後艾納斯2分，今場肯定唔係捱打。艾塔亞文防反戰術做得唔錯，正正係剋住艾納斯嘅最佳踢法。艾塔亞文近17場只有1場未能取得入波，佢哋作客同樣係好大喜「攻」，近7場作客有5次半場領先對手，數據話晒你聽，艾塔亞文作客唔會縮。
呢場兩隊踢法都進取，而且艾納斯亦唔想「多隻香爐多隻鬼」，一定唔會畀艾塔亞文追到上來攪局，整體嚟講艾納斯贏面大啲，但佢哋後防始終唔穩陣，主勝賠率又熱，倒不如轉玩半場大好過。
