今晚壓軸大戰，狀態弗盡歐洲5大聯賽嘅阿士東維拉作客車路士。維拉近10場贏晒仲有餘未盡，包括作客4連勝，今場出征倫敦唔都怕；車仔雖有主場之利，但佢哋近5次喺史丹福橋球場鬥維拉，只係贏過1次，必捧讓球客勝（+1）。（Now 621及611周日凌晨1時30分直播）文:渡邊年
論聖誕新年快車惡踢程度，維拉認第二，冇人夠膽認一，佢哋先後要對3支傳統Big 6，上場先過頭關，主場以2比1殺敗曼聯，今場作客車仔後，就會再作客倫敦，直接硬撼爭標對手阿仙奴。維拉雖然國內外雙線發展，但球隊弗到漏，奧尼屈堅斯、保巴卡卡馬拉及摩根羅渣士輪流入波，領隊艾美利擅長防守反擊嘅戰術，正好剋住車仔嘅高位逼搶踢法，預料車仔會佔得主動，但維拉就有「一劍穿心」嘅威力。
車仔主場對賽冇甜頭
車仔主場當然有一定威力，不過咁蹺佢哋近5次正式賽事，喺史丹福橋面對維拉，只得1勝2和2負，明顯畀對手食住，而且領隊馬利斯卡因停賽未能親自督師，唔多唔少影響球隊臨場調動。以波論波，今場強強對碰乜都有可能發生，但從投注角度，五五波就梗係揀受讓嗰隊，推介維拉讓球客勝（+1）畀大家。
