英超榜首阿仙奴近期表現下滑，今輪作客愛華頓又係惡戰。「拖肥糖」近6場聯賽4次保持不失，近乎「肉搏式」嘅硬朗踢法，一直係「兵工廠」最驚面對嘅球隊，而且阿仙奴近期進攻短路，破密集有一定難度，今場推介中位數2.5入球細。■（Now 621周日凌晨4時直播）文:工廠仔
阿仙奴近6場聯賽3勝2和1負，演出比起開季明顯跌Watt，上場對住包尾嘅狼隊都冇晒符，箭頭約基利斯傷愈復出後狀態低迷，連續5場比賽0入球0助攻，令「兵工廠」撕破密集能力進一步削弱。而且自從加比爾馬加希斯受傷後，阿仙奴連死球威力亦大減，入波更見困難。
阿仙奴跌Watt難破密集
阿仙奴踢法以控球組織為主，不過遇上對手用硬朗嘅緊逼防守，往往會被打亂節奏，難以策動有效嘅攻勢。愛華頓喺莫耶斯執教下最擅長防守，球員風格唔錫身，每球爭奪都係波到人到，「兵工廠」對住佢哋一向頭痕，兩隊近4次交手，有3次總入球開2球或以下。
愛華頓近7場聯賽有4勝1和2負，當中5場總入球開2球或以下，並且有4場比賽保持不失球，防守力極有保證。「拖肥糖」今場有進攻核心伊利文尼戴耶同中場伊祖沙古爾離隊踢非國盃，反擊能力大打折扣，預料會專注防守求1分，阿仙奴想入波唔易，2.5球入球細值得跟進。
