意盃16強，博洛尼亞主場硬撼帕爾馬。貴為衞冕之師，博洛戰意唔使懷疑；相反帕爾馬連聯賽都未踢得掂，仲邊有餘力兼顧盃賽，簡單捧主勝。
（周五凌晨1時開賽）
博洛日前聯賽倒灶輸畀克雷莫納，但佢哋上屆意盃披荊斬棘，連挫阿特蘭大、安玻里及A米等硬嘢，奪得球隊事隔半世紀首個冠軍，對呢項賽事自然格外重視。查實博洛各項賽事近6仗錄4勝1和1負，絕對唔失禮，單計意盃近5場更贏晒，衞冕第一擊不容有失。
帕爾馬冇力兼顧盃賽
另邊廂，帕爾馬各項賽事近8仗僅得1勝3和4負，有「日本奧拿拿」之稱嘅門將鈴木彩艷受傷，係佢哋近期頻頻失波嘅主因。帕爾馬之前兩圈意盃雖然順利過關，但對手只係低組別球隊，上圈靠互射12碼淘汰史柏斯亞，贏得非常辛苦。仲有一個現實問題，帕爾馬目前喺聯賽下游掙扎，護級大過天，邊有精神同餘力兼顧盃賽呢？博洛今仗贏波晉級冇難度。
