達Sir進攻戰術多元化
阿仙奴今季表現極為穩定，近14場比賽有12勝2和，贏唔到嗰兩場都係作客硬仗。睇番近期酋長球場7連勝，清脆贏過馬德里體育會、熱刺同拜仁慕尼黑等豪門，只計英超嘅5場「主勝」，全部都喺上半場就領先到尾，贏得好有說服力，酋長球場威力唔易抵擋。文:工廠仔
主將復出生波有改善
阿仙奴防守一流，季初困擾嘅進攻問題亦已解決，隨住加比爾馬天尼利、馬度基、馬田奧迪加特、約基利斯等近2場陸續復出，令領隊阿迪達喺安排戰術時，攻擊板斧可以更多元化，同之前只靠死球入波唔同，近期「生波」明顯改善，伊比爾治伊斯嘅遠射，抑或馬天尼利、馬度基嘅快速反擊，都令對手防不勝防。
蜜蜂軍團作客例腳軟
另邊廂，賓福特今季客場例牌腳軟，開咧後6次聯賽作客，只係得1勝5負成績，唯一勝仗係擊敗當時陷低潮嘅韋斯咸，表現差勁，更何況「蜜蜂軍團」近5次對住阿仙奴，有4次落敗而回，隨時未踢先怯，今場相信半場都頂唔住，博半場主勝好路。
