英超強弱懸殊之戰，狼隊主場硬撼曼城，原本已被視為降班熱門嘅狼隊，今夏更加慘遭「拆骨」，攻守主將馬菲奧斯根夏及艾洛利一齊離隊，恐怕無力抵擋曼城進攻，客W熱爆燈冇肉食，睇番雙方近7次交鋒有6次總入球開出3球或以上，首選中位數2.5球嘅入球大。
（Now 621周日凌晨零時30分直播）文:Mic少
狼隊上季僅排16位，勉強護級成功，但會方認錢唔認人，仍然決定出售射手馬菲奧斯根夏畀曼聯，左後衞艾洛利轉投曼城，從兩人身上獲得近1億鎊（約10.6億港元）轉會費收入。至於新簽球員之中，以前鋒祖漢艾利亞斯比較有睇頭，呢位哥倫比亞國腳有份為富明尼斯踢今屆世冠盃，並有1球進帳，成為狼隊今仗入波希望，但即使可以破蛋，相信防線亦招架唔住曼城攻勢。
門將有離心防線不穩
曼城因為踢世冠盃，比較遲開操，僅踢1場熱身賽，以3比0大勝意乙球隊巴勒莫，艾寧夏蘭特有波入，新加盟中場雷恩達斯更加梅開二度，可見球隊狀態不俗。至於另一位新兵卓基亦具備出色射術，「藍月亮」攻力有增無減，勢必全力搶攻，爭取贏波打響頭炮。不過，曼城防線一向唔穩陣，近4次對狼隊，其中3次有失波，加上盛傳門將艾達臣摩拉斯有意離隊，隨時影響陣上集中力，預料曼城就算全取3分而回，亦未必可以保持清白之身，最好博入球大。
