英超前列大戰，「1哥」阿仙奴作客排第4嘅「黑貓」新特蘭，想延續10連勝走勢唔容易。阿仙奴今季靠防守爭霸，喺前鋒線傷兵滿營下，往往贏1球就收油，面對主場不敗嘅新特蘭，絕對唔介意悶住贏，中位數2.5球嘅入場細好路。
（Now 621周日凌晨1時30分直播）文:工廠仔
新特蘭開季10戰得18分，創下17年來英超升班球隊最佳開季成績，格列沙加為首嘅中場效率極高，新特蘭只失8球嘅強勁防守力，令佢哋成為阿仙奴之後失球第2少球隊。雖然「黑貓」整體實力同阿仙奴有距離，但挾今季主場聯賽不敗氣勢，肯定加強防守務求搶分。
阿仙奴連續８場冇失波
「兵工廠」條鋼鐵防線係近期熱話，佢哋已連續8場比賽冇失波，防守力達恐怖級別。不過，阿仙奴前線傷兵滿營，約基利斯同加比爾馬天尼利都加入養傷行列，火力大受削弱。阿仙奴面對嚴密嘅低位防守冇乜板斧，近6場聯賽有5場總入球開2球或以下，追2.5球細盤。
