阿仙奴名宿禾確特日前接受越洋訪問，不僅大玩快問快答，更點評舊東家爭冠前景，佢表示：「如果利物浦再度延續上季表現，成為積分榜嘅『聖誕冠軍』，好大機會衞冕英超。」文:文嘉靖
禾確特估計：「我預測利物浦會於聯賽開鑼戰淨勝兩球，第一球會係沙拿攻入。至於聖誕期間，利物浦會排喺榜首，曼城、阿仙奴及車路士緊隨其後。老實講，利物浦應該能夠守住榜首優勢到尾，另邊廂，賓福特今季充滿年輕活力，有機會炮製驚喜。」
阿仙奴要改善中場控制力
對今季阿仙奴能否突破「亞軍宿命」，禾確特就抱持樂觀態度：「爭標對手曼城正積極增兵，阿仙奴要挑戰英超冠軍，需解決關鍵時刻嘅穩定性，尤其中場控制力，目標至少要晉級歐聯四強，管理層應保持耐心。」
另外，禾確特亦提及阿仙奴新簽射手約基利斯：「27歲先登陸英超的確係挑戰，約基利斯需要唔少時間適應，佢作為組軍嘅焦點之一，有潛力成為阿仙奴關鍵主力，但兵工廠仍需增強中場和邊路板櫈深度。」
