萬眾期待嘅英超周六凌晨開鑼！盟主利物浦衞冕第一擊，將喺主場迎戰般尼茅夫。「紅軍」季前大事擴軍，域斯及艾基迪基加盟，令原本已超班嘅火力更上層樓，晏菲路球場殺聲震天，戰力疲弱嘅般尼茅夫睇怕半場都頂唔住，半場主勝值得捧場。
（Now 621及611周六凌晨3時直播）文:工廠仔
利物浦上季勇奪冠軍，穆罕默德沙拿領銜嘅鋒線火力冠絕英超，不過領隊施洛仲未滿足，希望進一步加強主攻踢法，以破紀錄轉會費羅致德國新星域斯做進攻指揮官，又高價買入「新亨利」艾基迪基，豪華鋒線威力十足，季前熱身已見全面搶攻風格。
英超盟主火力再升呢
利物浦近6場入17球，近3仗都喺頭15分鐘內拎到入波，而且利物浦專剋般尼茅夫，翻查兩隊近13次交手，利物浦有11次喺半場領先，今場好大機會再次領先住返更衣室。
般茅防線面目全非
作客嘅般尼茅夫季前嚴重「失血」，甸恩胡積臣轉會皇家馬德里、米路斯卻基斯過檔利物浦，另一中堅薩巴尼爾亦會轉投巴黎聖日耳門，成條防線面目全非，加上球隊喺季前並冇具分量嘅增兵，戰鬥力大跌，近4場熱身賽2和2負，表現難予人信心。利物浦要打響頭炮，喺晏菲路聲勢下，半場主勝穩開。
