聯賽盃英超內訌搶鏡
周中雖未有歐洲賽事上演，但五大聯賽中意甲及法甲開快車，德國、西班牙及英格蘭亦安排盃賽。當中尤以英格蘭聯賽盃份外搶鏡，第四圈抽籤過後出現多場英超內訌，包括阿仙奴對白禮頓、利物浦對水晶宮、狼隊對車路士及紐卡素對熱刺。
槍手強勢開局，聯賽暫以四分領跑，歐冠亦三戰全勝，不過始終賽程擠擁，聯賽盃的份量相對較低，或以副選上陣。白禮頓向來是硬骨頭，上季聯賽兩度賽和讓阿仙奴痛失四分，近月亦曾擊敗車路士及紐卡素，今鋪或有偷雞機會。
利物浦上季在決賽失諸交臂，但近況絕不理想，面對於盃賽亦有心得的水晶宮，相信必將經歷一場苦戰。狼隊在英超九戰未錄一勝，僅取兩分已被視為降班大熱，車路士即使表現多麼海鮮，面對這隊人見人欺的狼隊理應沒有落敗理由。
最後有衛冕的紐卡素迎戰熱刺，或是今輪實力最相近的對碰。喜鵲上周連贏兩場信心回升，不過今季面對實力接近的對手，如般尼茅夫及白禮頓等皆未能取勝。熱刺目前予人感覺仍處磨合，法蘭領軍下相較前帥踢法更為務實，以穩行先的取態或會將比賽拖入加時。
足球評述員 袁家傑