今晚西甲歐聯入場券爭奪對手開戰，貝迪斯主場鬥馬德里體育會。兩軍喺聯賽成績相若，馬體會教練施蒙尼作客一般都會較為保守，防守陣式令角球出現次數減少，加上球隊近5場，角球全開9球或以下，今場特別啲，推介大家玩9.5球角球細。（Now 632周二凌晨4時直播）文:渡邊年
貝迪斯唔夠力全場壓迫
睇番近況，貝迪斯有安東尼馬菲奧斯上場聯賽梅開二度，作客打和維拉利爾，加上中場重心蘇夫恩岩拉伯特復出，相信有主場之利下，今場會較為主動，不過值得留意，球隊之前經過連續3場作客，加上周中踢完歐霸盃，體力未必足夠全場壓迫。
馬體會上周中歐聯0比4敗走阿仙奴，施蒙尼自然唔想兩連敗，兼輸畀歐聯入場券競爭對手，今場肯定使出看家本領，加強防守。喺佢哋塞晒喺後邊嘅情況下，皮球運行肯定受阻，唔會咁易有角球出現，「角細」絕對係投注佳品。另外亦可留意「同場過關」，「半場總入球少於[1.5]球 & 全場總入球少於[2.5]球 & 全場開出總角球少於[8.5]球」，4.8倍都玩得過。
