卡塔超：揭幕戰最怕開壞個頭 艾雷恩半場和值博_東方日報

新一季卡塔爾超級聯賽今晚開鑼，揭幕戰艾雷恩主場對艾塞利亞，考慮到季初球員狀態成疑，預料雙方會先作試探，避免輸波開壞個頭，踢法可能傾向穩陣。加上兩隊近4次聯賽交手，上半場都打和，不妨再追半場和。

（周四晚11時30分開賽）文:渡邊年

艾雷恩曾經8次奪冠，屬於卡超史上捧盃次數第2多嘅球隊之一，但上季僅獲得第5名，可見即使季中換帥，請來前保地花高教練艾杜佐治領軍，都冇重大改善，估計今仗會先穩定防線，睇準機會先至作致命一擊。

至於升班球隊艾塞利亞今夏大事增兵，簽入多位球員，默契難免不足，需要時間磨合，以及適應卡超比賽節奏。新球季第一擊應會採取保守戰術，希望先站穩陣腳，屆時或會出現拉鋸局面。

多哈艾阿里訪艾沙瑪「大」陣仗
另一場卡超，艾沙瑪主場對多哈艾阿里，雖然艾沙瑪上季聯賽僅排第6位，但22戰合共轟入41球，同第3位艾加拉法相同，今仗應該會繼續採取主攻踢法，爭取贏波打響頭炮。

上季第4位嘅多哈艾阿里亦具備級數，最近1次作客艾沙瑪，更加贏4比2而回。翻查多哈艾阿里近4次聯賽作客，總入球全開5球或以上，今場首選入球大。

（周五凌晨1時30分開賽）