沙特職直播頭場，下游搶分大戰，艾法特主場迎戰伊蒂法克。艾法特仲未開齋，必定期望把握今次主場之利打開勝利之門，鬥志不容懷疑，伊蒂法克踢法大開大合，近4場全開4球或以上，3.5球入球大玩得過。
（on.cc東網周五晚10時45分直播）文:臻贏特
艾法特防線穿窿未開齋
艾法特喺聯賽開季至今5場仲未開齋，僅得1和4負，而且只有和波一仗能夠保持不失，脆弱防線係致命傷，球隊防守不濟係根深柢固難題，佢哋上季聯賽34場失61球，係5支失波「60+」球隊之一，甩漏問題一直未能改善。
伊蒂法克現時排喺聯賽中游，球隊踢法極具娛樂性，但衰在發揮唔穩定，前一仗作客可以3比1擊敗達馬克FC，但上周主場又慘吞希拉爾5蛋，幾時贏波幾時輸波都難估。不過喺投注角度就好易搞噃，伊蒂法克近4場失咗12球，全開4球或以上，加上今場作客要面對好想全取3分嘅艾法特，肯定開入球騷，2.5球大當然可取，但3.5球大賠率更吸引，值得一試。
