英超頭場，熱刺喺主場硬撼阿士東維拉。雖然熱刺上仗終於贏番波，但表現唔標青，射手李察利臣更陷入球荒，相反維拉連贏4場，走出季初谷底，今仗有力反客為主，仲有得受讓咁筍，讓球客勝（+1）咪錯過。（Now 621及631周日晚9時直播）文:法達斯維
熱刺季初係威係勢，各項賽事頭7場贏咗5場，不過踏入9月中表現開始跌Watt，近5仗只得2勝3和，喺國際賽前嘅聯賽終於擊敗列斯聯，守住前列，但嗰場波全靠古度斯一傳一射嘅神來之筆，整體表現認真麻麻。季初頻頻有士哥嘅前鋒李察利臣，連同國際賽在內，已經連續6場食白果，甚至一度被貶為後備，就算有地利亦不宜高估。
近7仗不敗唔赦熱刺
相反，維拉季初表現賤過地底泥，頭4輪聯賽不勝兼全交白卷，成為英超史上第5支頭4輪冇波入球隊，寫下隊史28年最差開季紀錄。好彩主帥艾美利成功撥亂反正，除了近7仗不敗外，自9月尾起，各項賽事豪取4連勝，箭頭奧尼屈堅斯重拾射門鞋，前鋒唐耶爾馬倫上場對般尼梅開二度，總算穩住軍心。加上兩軍近7次碰頭，維拉錄5勝2負佔上風，寧買當頭起，維拉讓球客勝（+1）捧得過。
