世盃外歐洲區E組方面，西班牙主場迎戰格魯吉亞。「狂牛兵團」近1年大踢進攻足球，領隊富安迪喺傳統「Tiki Taka」上，再增加更直接進攻嘅元素，經常喺比賽早段已經攻到對手氣咳。格魯吉亞實力有限，隨時上半場已經淪陷，中位數1.5球半場大抵玩。（周日凌晨2時45分開賽）文:工廠仔
西班牙嘅傳控戰術已經練到爐火純青，領隊富安迪為創造更多入波，踢法上更加直接，兩翼側擊係最大殺着，加上中場米基爾馬連奴擔任後上殺手，西班牙進攻力度提升到前所未有咁高漲，近5場攻入20球，近4場半場總入球，更全開2球或以上。
格魯吉亞火力唔差
格魯吉亞目前喺小組1勝1負，兩場入到5球證明攻擊力唔差，不過要挑戰西班牙就未有本事。睇番格魯吉亞之前4次對「狂牛兵團」全部都輸2球或以上，而且呢4場波，半場已經開2球或以上，今仗一於再追1.5球半場大！
