亞冠精英盃聯賽階段第2輪，日職勁旅廣島三箭主場迎戰上海海港。廣島三箭依家要兼顧4條戰線，球隊踢法亦作出相應調整，上半場多數踢得穩陣，唔會博足90分鐘，今仗面對以1分為目標嘅上海海港，前半段多數會睇定嚟踢，半場和值得一博。（HOY TV 76周二晚6時直播）
廣島三箭早前喺日職連環失分，爭標機會大打折扣，但仲有日聯盃同日皇盃殺入4強，加上亞冠盃硬仗連場，所以近期賽事都留前鬥後，佢哋首輪作客墨爾本城，就係半場0比0下，下半場發力連入2球贏波。睇番廣島三箭近6場賽事，就有5場半場打和。
上海海港以1分為目標
上海海港首輪慘吞另一日職勁旅神戶勝利船3蛋，近7次喺亞冠盃對住日職球隊全部輸晒，可見實力上有明顯差距，今場作客更加難以睇好。預料上海海港會以1分為目標，佢哋近兩場聯賽贏波，半場可以頂得住，博半場和好路。
