沙特職焦點對決，卡赫利主場火併艾塔亞文。雙方都位處中上游，卡赫利有曼聯青訓產品祖舒亞京治助陣，攻力大增，艾塔亞文更跨季近5場聯賽全開4球或以上，鬥攻格局勢必合演入球騷，捧3.5球大盤最划算。（on.cc東網周四晚11時10分直播）文:法達斯維
先講卡赫利，佢哋開咧後頭3輪聯賽獲2勝1負，僅僅輸畀勁旅艾卡迪沙，而且場場有士哥共入8粒，其中於曼聯青訓出身、曾效力般尼茅夫及愛華頓嘅前鋒祖舒亞京治，今季從法甲來投後着晒火，頭3輪入咗4球，腳風順到冇朋友。不過卡赫利近年對住艾塔亞文輸波居多，今仗必定想藉主場之利，希望先發制人，盡快入波取得領先優勢。
防線穿窿以攻代守
另邊廂，艾塔亞文經過首輪慘吞C朗率領嘅艾納斯5蛋後，知恥近乎勇，之後連贏艾科多及伊蒂法克兼共入7球，前鋒羅渣馬天尼斯連續2仗有士哥，其拍檔穆沙巴路亦有入球或助攻，有呢對孖寶拍住上，攻力有保證。不過艾塔亞文呢3仗場場有失波，共失8粒，防守不穩，若果計埋上季季尾，佢哋近5場聯賽全開4球或以上，預計今仗會以攻代守，實多波入，3.5球入球大捧得過。
