西甲壓軸好戲，巴塞隆拿主場迎戰基達菲。巴塞上場喺「細場」告魯夫球場出擊，竟然大炒華倫西亞6比0，不過今場就冇咁輕鬆，事關對手基達菲開季4場取得3勝，士氣旺盛，而且佢哋擅長防守，跨季11場聯賽全開3球或以下，巴塞就算贏波都好難大勝，捧中位數3.5球入球細最明智。（Now 632周一凌晨3時直播）文:邪神
巴塞上場西甲喺拉明耶馬缺陣下，照樣大炒華倫西亞6蛋，羅拔利雲度夫斯基開齋兼起孖，跟住上周中歐聯開鑼，佢哋又靠拉舒福特起孖，作客贏紐卡素2比1，開季至今所有賽事4勝1和，唯一失分係作客華歷簡奴打和1比1，班波狀態唔錯，今場主場出擊有一定贏面。不過歐聯開戰，亦令巴塞未來幾周賽程變得頻密，主帥費歷克執教經驗豐富，自然懂得留放，避免無謂損傷。
基達菲5後衞頂到實
中型班基達菲開季表現出奇順暢，4戰3勝排第5，先後擊敗切爾達、西維爾同奧維多，3場勝仗有2場保持不失，再者佢哋慣擺532防守陣式，5個後衞加3個防中，上季西甲失球數字同巴塞平頭並列第4少，可見防守非常硬淨，巴塞要破密集唔容易，就算贏都係小勝，3.5球入球細有計。
