亞洲賽踢得保守
今日有多場亞冠精英盃上演，A組墨爾本城主場迎戰廣島三箭。由於澳職新賽季仲未開咧，墨爾本城狀態未足，踢法會較穩陣，而且球隊出戰亞冠主場戰術保守，近3次亞冠盃主場，全開2球或以下，呢場推介2.5球入球細。（HOY TV 76周二下午3時45分直播）文:渡邊年
由些路迪借用嘅前鋒馬高迪利奧今季離隊，墨爾本城中前場線仲未成型，較早前喺澳足盃，更加以0比2不敵地區聯賽球隊萊卡特，今場對住廣島三箭，即使主場都未必敢太過進取。
柔佛夠韌力失波唔慌多
廣島三箭正向本土三冠王進發，戰線太多，球員體力難以負荷，球隊近期狀態下滑，各項賽事近4場只得1勝2和1負，今場作客相信亦只希望穩中求勝，更利開出入球細。
夜少少開波嘅，有泰國勁旅武里南聯，主場迎戰馬來西亞班霸柔佛DT，兩支球隊實力旗鼓相當，而且更是冤家路窄！上屆亞冠盃兩軍都進身淘汰賽，並曾經3度交鋒，分組賽打和0比0，16強首回合仍舊互無紀錄，武里南聯喺次回合僅勝1以0晉級，3次交手只出現1個入波，足證兩隊踢法都偏向保守，進攻比較次要。柔佛DT上屆分組賽7戰僅逢1敗，韌力非凡，今場作客會繼續集中防守，全力抵抗武里南聯進襲，入球細亦相當穩陣。（HOY TV 76周二晚8時15分直播）
